ნამუსი კარგი საქონელია?!

პირველ რიგში გეტყვით რატომ გადავწყვიტე ამ თემის გავრცობა, თანაც ძალიან მაინტერესებს თქვენი აზრი ამის შესახებ….ხშირად მომისმენია ჩემი თანატოლებისაგან ამ გამოთქმის გადაკეთებული ფორმა: ,,ნამუსიც კარგი ძროხაა”…როცა ჩემს გაკვირვებულ მზერას წააწყდებიან ხოლმე -,,ამავე მზერას+ნიშნის მოგება” ზუსტად ასეთი თვალებით შემომხედავენ და განმიმარტავენ ხოლმე,. ,,რა საქონელი-ძროხა არ არის?” გეტყვით რომ ამ შემთხვევაში არ არის! ,,საქონელი” ამ შემთხვევაში ნიშნავს-რაიმეს სასურველ ქონას, ანუ ნამუსი არის ყველაზე სასურველი რამ რაც შეიძლება ადამიანს ჰქონდეს…და არანაირი ძროხა, ხბო და ა.შ 😀 😀

თუ კიდე არ გჯერათ:სიტყვა საქონელი არის ,,ქონა”-სგან წარმოებული სიტყვა ,,სა-ი” პრეფიქს-სუფიქსის დართვით…
ეს არის ჩემი სუბიექტური აზრი, თუ ვინმეს ასე არ ჰგონია, შეგიძლიათ თავისუფლად გამოხატოთ საკუთრი აზრი კომენტყარებში…:)

რუდოლფ შტაინერი

რუდოლფ შტაინერი (გერმ. Rudolf Steiner; დ. 27 თებერვალი, 1861 — გ. 30 მარტი, 1925) არის ავსტრიელი ფილოსოფოსი, ანთროპოსოფიის ფუძემდებელი.
მას მრავალი ლექცია აქვს წაკითხული და დღეს მისი წიგნები იბეჭდება თითქმის მთელ მსოფლიოში. მისი ლექციები:– კარმის კანონი, ვარდისა და ჯვრის საიდუმლოება, ლოცვის არსი, აკაშა ქრონიკიდან და სხვა უამრავი,–ვფიქრობ დააინტერესებდა ჩვენს მკითხველს.

რა არის ანთროპოსოფია? … ანთროპოსია არის სულიერი მეცნიერება თანამედროვე ევროპაში, მეცნიერება სულის შესახებ,რომელიც გავრცელებულია დასავლეთის ქვეყნებში. ეს მოძრაობა არსებობს საქართველოშიც და ჰყავს მრავალი მიმდევარი. ეს არის ქრისტიანული მოძრაობა, როგორც მოგახსანეთშ ეს არის მიქაელური ქრისტიანობა. მაგრამ, ამავე დროს, უნდა მოგახსენოთ, რომ ზოგს ეშლება, ზოგი ურევს ანთროპოსოფიას რელიგიაში. ანთროპოსოფია არ არის რელიგია. ეს არის შემეცნებითი მიმდინარეობა და არა აღმსარებლობა. ამიტომ შეცდომით ამბობენ, ან მართლმადიდებელი იყავი, ან ანთროპოსოფიო. ასე არ დგას საკითხი. ეს იგივეა, რომ თქვა: ან მართლმადიდებელი იყავი, ან ჰეგელიანელი. აქ საქმე იმაში გახლავთ, რომ ანთროპოსოფიას რელიგიური აღმსარებლური პრეტენზიები არა აქვს. ეს არის შემეცნებითი გზა. მართალია, რელიგიური თემიც არსებობს დასავლეთში, რომელიც მასზე არის აღმოცენებული, მაგრამ თავისთავად ანთროპოსოფიის ფუძემდებელი – რუდოლფ შტაინერი არ იყო ახალი რელიგიის ან კონფესიის ფუძემდებელი. ის არის ქრისტეს, ქრისტიანობის მიმდევარი და ქრისტიანობის ახალი შენეცნებითი ფორმის შემქმნელი. ასე რომ, აქ არ უნდა მოხდეს ცნებათა აღრევა და არ უნდა შეგვეშალოს. როგორც მოგახსენეთ, არსებობს აგრეთვე მრავალი დარგი ანთროპოსოფიული მეცნიერებისა: ანთროპოსოფიური მედიცინა, ბიოლოგია, პედაგოგოკა. კერძოდ ანთროპოსოფიურმა დიცინამ უდიდესი როლი შეასრულა ჩვენში 9 აპრილს მოწამლულთა მკურნალობაში. როდესაც ვერც ერთი ექიმი ვერ კურნავდა მათ, ვერც ერთი სახეობის წამალი… მათ ისეთი მედიკამენტები ჩამოიტანეს, თავიანთი სკოლის მიერ შექმნილი, რომლებმაც უშველა ამ მოწამლულებს, გადაარჩინა უამრავი ადამიანი. უნდა მოგახსენოთ ისიც, რომ მართლმადიდებლურ კულტზე არსებობს ლექცია რუდოლფ შტაინერისა, რომელიც ძალზე მაღალ დონეზე აყენებს მართლმადიდებლურ კულტს კათოლიკურთან შედარებით. სართოდ რუდოლფ შტაინერი მართლმადიდებლურ ფილოსოფიათან ძალიან ღრმად იყო დაკავშირებჯლი, კერძოდ, ვლადიმერ სოლოვიოვის ფილოსოფიასთან და თავის ერთ-ერთ წინამორბედად თვლიდა მას, მართლმადიდებელ ფილოსოფოსს.

არის ციკლი ლექციებისა 1922 წელს წაკითხული – „ზეცნობადი გავლენები კაცობრიობის ისტორიაში“, სადაც რუდოლფ შტაინერი ამბობს: „კათოლიკურ ეკლესიაში კულტი და რიტუალი უფრო თვალითსახილველი სიმბოლოების ხასიათს ატარებს, აღმოსავლურ მართლმადიდებლურ ეკლესიაში კი იგი ისეთი რამ არის, რასაც სული სწვდება უღრმესი მოწიწებით“. ე. ი. რადიკალურად ასხვავებს ამ ორ კულტს ერთმანეთისაგან და მისთვის უფრო მახლობელი არის მართლმადიდებლური კულტი, და ეს ჩანს აგრეთვე ოქსფორდში წაკითხული ლექციებიდან, სადაც ის ამბობს, რომ მართლმადიდებლურ აღმოსავლურ ეკლესიაში იყო ძალიან ღრმა ეზოტერიზმი, ანუ საიდუმლო მოძღვრება, რომელიც თავად ეკლესიას გააჩნდა. აღმოსავლეთში, როგორც მე წეღან მოგახსენეთ, ეზოტკრიზმი არ იყო გამოყოფილი ეგზოტერიზმისაგან, ხოლო დასავლეთში გამოყოფილი იყო და იყო კონფლიქტიც და დევნაც ეზოტერიზმისა. აღმოსავლურ მართლმადიდებლურ სამყაროში ამას ადგილი არ ჰქონია არასოდეს.

ის ფუძემდებელია არქიტექტურული დარგისა ორგანული არქიტექტურა. არქიტექტურა შერწყმული ბუნებასთან. შენობა მთლიანად ბეტონისაა, უბრალოდ დაუჯერებელია ბეტონი ასე მოაქციო შენს ხელში და ასე დინამიური და დამყოლი აღმოჩნდეს. თან თითქოს სუნთქავს.

შტაინერი თავად ფილოსოფოსია და დიდი მოაზროვნე. დიდი მიღწევები აქვს ევრითმიაში და ცამოაყალიბა ანთროსოფოსობია როგორც ცალკე დარგი, რასაც ამჟამად ამ გოეთეანუმში ასწავლიან. ესაა მაღალ მატერიებზე მოაზროვნე ადამიანი, ჩაუყარა საფუძველი აზროვნებას ადამიანის სულის გარემოს შესახებ.

პიროვნულობის ტესტი

მინდა ყველამ გააკეთოს ეს ტესტი…მე გავაკეთე და თითქმის ყველაფერი დაემთხვა:) კომენტარებში დავწერ ჩემს პასუხებს და მინდა თქვენც დაწეროთ, ძალიან მაინტერესებს…

“გააკეთეთ ეს ტესტი და მიხვდებით, რომ ეს ყველა ადამიანზე მუშაობს” – გვეუბნება დალაი ლამა.

ტესტი შედგება მხოლოდ 4 შეკითხვისაგან, რომელთაც ტესტის ბოლოში პასუხები ართავს თან. ნუ შეეცდებით წინასწარ პასუხების გაგებას, იქონიეთ მოთმინება და ბოლოში სასიამოვნო სიურპრიზი დაგხვდებათ. დაიმახსოვრეთ რომ თქვენი მოთმინება, მხოლოდ იმისათვის არის საჭირო, რომ ბოლოში სწორი პასუხები მიიღოთ !

ასე, რომ ისიამოვნეთ, მაგრამ მიჰყევით ინსტრუქციას. და ჩაიფიქრეთ სურვილი, ვიდრე ტესტის კეთებას დაიწყებდეთ !

უკვე ჩაიფიქრეთ სურვილი ? თუ ასეა, მოიმარჯვეთ ფურცელი და კალამი და ჩაიწერეთ თქვენი პასუხები… არ გადახვიდეთ შემდეგ შეკითხვაზე, ვიდრე წინას არ უპასუხებთ.
1. დაალაგეთ მოცემული ცხოველები თქვენი თანმიმდევრობით:
ა)ძროხა
ბ)ვეფხვი
გ)ცხვარი
დ)ცხენი
ე)ღორი

2. თითოეულ მათგანს მიუწერეთ სიტყვა, რომელიც აღწერს მას (თქვენი სურვილით)

ა) ძაღლი –
ბ) კატა –
გ) ვირთხა –
დ) ყავა –
ე) ზღვა –

3. იფიქრეთ თქვენთვის ძვირფას ადამიანებზე და თითოეულ ქვემოთ მოცემულ ფერს დაუკავშირეთ თითო თქვენთვის მნიშვნელოვანი ადამიანის სახელი (გთხოვთ ნუ გადათქვამთ პირველად გაცემულ პასუხს. და ერთ პიროვნებას მხოლოდ ერთი ფერი მიუსადაგეთ)

ა) ყვითელი
ბ) ნარინჯისფერი
გ) წითელი
დ) თეთრი
ე) მწვანე

4. დაწერეთ თქვენი საყვარელი ციფრი და საყვარელი კვირის დღე

და ბოლოს გადახედეთ თქვენს პასუხებს და ვიდრე ტესტის პასუხებს წაიკითხავდეთ, გაიმეორეთ თქვენი სურვილი…

.

.

.

.

პასუხები:

1. შეკითხვა თქვენს ცხოვრებისეულ პრიორიტეტებს შეეხებოდა:

ძროხა : გამოხატავს კარიერას
ვეფხვი : გამოხატავს სიამაყეს
ცხვარი : გამოხატავს სიყვარულს
ცხენი: გამოხატავს ოჯახს
ღორი : გამოხატავს ფულს

2. თქვენი აღწერილობები თვისებებზე მიგვითითებს

ძაღლი: აღწერილობა თქვენს პიროვნულ თვისებებს გამოხატავს
კატა: აღწერილობა თქვენი პარტნიორის პიროვნულ თვისებებს გამოხატავს
ვირთხა: აღწერილობა თქვენი მტრების პიროვნულ თვისებებს
ყავა: აღწერილობა თქვენი შეხედულებაა სექსზე
ზღვა: აღწერილობა გამოხატავს თქვენს ცხოვრებას

3. თქვენთვის მნიშვნელოვანი ადამიანები

ყვითელი: ადამიანი, რომელსაც არასოდეს დაივიწყებ
ნარინჯისფერი: ადამიანი რომელსაც ნამდვილ მეგობრად მიიჩნევ
წითელი: ადამიანი, რომელიც ნამდვილად გიყვარს
თეთრი : ტყუპისცალი სული
მწვანე : ადამიანი,რომელიც მთელი დარჩენილი ცხოვრების განმავლობაში გემახსოვრება

4. შენი სურვილი ასრულდება კვირის იმ დღეს და თვის იმ რიცხვში, რომლებიც დაასახელე 🙂

პაოლო კოელიო

ცოტა ხნის წინ სკოლაში ინტელექტუალური ტური ჩატარდა, სადაც როგორც ყოველთვის მონაწილეობას ვიღებდი…პირველი კითხვა კი იყო შემდეგი: ,,პაოლო კოელიო მას მსოფლიოს ბიბლიოთეკას უწოდებს, რაზეა საუბარი?” პასუხი რა თქმა უნდა ინტერნეტი იყო…როგორც კ დავბრუნდი სახლში, ,,დავგუგლე” პაოლო კოელიო და მის ბიოგრაფიას გავეცანი, ძალიან მომეწონა და ახლა მისი შემოქმედების გაცნობას ვაპირებ…მგონია თქვენთვისაც საინტერესო იქნება:) მაშ ასე:
პაულო კოელიო (Paulo Coelho; დ. 24 აგვისტო, 1947) ბრაზილიელი მწერალი, ლირიკოსი.
დაიბადა რიო-დე-ჟანეიროში ინჟინერ პედროსა და ლიჟია კოელიოების შეძლებულ ოჯახში. შვიდი წლისა წმინდა ეგნატე ლოიოლას იეზუიტთა სკოლაში გაგზავნეს, სადაც წიგნების წერის სიყვარული პირველად გამოავლინა. მწერლად გახდომის სურვილს ოჯახმა მხარი არ აუბა და ახალგაზრდა პაულოს იურიდიულ ფაკულტეტზე ჩააბარებინა რიო-დე-ჟანიეროს უნივერსიტეტში, თუმცაღა, პაოლომ სწავლა მალევე მიატოვა და ჟურნალისტიკას მიჰყო ხელი. საბოლოო ჯამში 17 წლის პაოლოს ოჯახთან ურთიერთობა იმდენად დაეძაბა, რომ ის კერძო ფსიქიატრიულ კლინიკაში მოათავსეს სამკურნალო კურსის გასავლელად.ვერც ელექტროშოკით მკურნალობამ, ვერც განმეორებითმა კურსმა პაოლოს საკუთარი თავისადმი რწმენა ვერ შეურყია – ამიტომაც, კლინიკადან გაიქცა, ცოტა ხანს იხეტიალა და შინ დაბრუნდა. ერთ წელიწადში სამოყვარულო თეატრალურ მოძრაობაში ჩაება, 60-იან წლებში აგრე რიგად პოპულარული რომ იყო ბრაზილიაში და არამხოლოდ ხელოვნების თვალსაზრისით, არამედ პროტესტის გამოხატვის კუთხითაც. თეატრალურ-საპროტესტო აქტივობა კოელიოს კვლავ ფსიქიატრიული კლინიკით დაუგვირგვინდა, საიდანაც ისევ გაიქცა, მაგრამ უფულობამ მაინც შინ დააბრუნა. საბოლოოდ, მესამე ფსიქიატრიული მკურნალობის შემდეგ მისი ოჯახი შეეგუა, რომ პაოლო “ნორმალურ” სამუშაოს არასოდეს მოჰკიდებდა ხელს. პაოლო კოელიო ისევ და ისევ თეატრალურ და ჟურნალისტურ მოღვაწეობას განაგრძობდა.
1970 წელს მომავალმა მწერალმა მექსიკაში, პერუში, ბოლივიაში, ჩილეში, ჩრდილოეთ აფრიკასა და ევროპაში დაიწყო მოგზაურობა. ორიოდე წლის თავზე პაოლო სამშობლოში დაბრუნდა და სიმღერებისთვის ლექსების წერას შეუდგა იმხანად უკვე პოპულარული ბრაზილიელი მომღერლების კონცერტებისთვის; მან არაერთი სასიმღერო ტექსტი დაუწერა მომღერალ რაულ სეიშასს.

შემოქმედება

პაულო კოელიოს ეკუთვნის ისეთი ცნობილი რომანები, როგორებიცაა:
პილიგრიმობა ანუ მოგვის დღიური 1987. (თარგმნილი ქართულ ენაზე)
ალქიმიკოსი 1988. (თარგმნილია ქართულ ენაზე)
ბრიდა 1990.
ვალკირები 1992.
მაქთუბი 1994.
რიო პიედრას ნაპირზე ჩამოვჯექი და ავტირდი 1994. (თარგმნილია ქართულ ენაზე)
მეხუთე მთა 1996. (თარგმნილია ქართულ ენაზე)
სინათლის მეომრის სახელმძღვანელო 1997.
ვერონიკამ სიკვდილი გადაწყვიტა 1998. (თარგმნილია ქართულ ენაზე)
ეშმაკი და ქალბატონი პრიმი 2000. (თარგმნილია ქართულ ენაზე)
თერთმეტი წუთი 2003. (თარგმნილია ქართულ ენაზე)
ზაჰირი 2005. (თარგმნილია ქართულ ენაზე)
როგორც ნარნარი მდინარე 2006.
პორტობელოელი ჯადოქარი 2006. (თარგმნილია ქართულ ენაზე)

ვფიქრობ მისი გამონათქვამების გაცნობა, უფრო მეტად გაგიჩენთ მისი შემოქმედების გაცნობის სურვილს:)

1. “როდესაც მთელი გულით გსურს რამე, მთელი სამყარო ხელს გიწყობს მის მიღწევაში”
– კოელიო, ალქიმიკოსი

2. “ოცნების ახდენის შესაძლებლობის გამოა ცხოვრება საინტერესო”
– კოელიო, ალქიმიკოსი

3. “უყვართ იმიტომ,რომ უყვართ სიყვარულს მიზეზი არ სჭირდება”
– კოელიო, ალქიმიკოსი

4. “მიყვარხარ იმიტომ,რომ მთელი სამყარო ხელს მიწყობდა შენ რომ მეპოვნე”
– კოელიო, ალქიმიკოსი

5. “დამარცხების შიში ერთადერთი რამეა,რაც ოცნებების ასრულებას უშლის ხელს”
– კოელიო , ალქიმიკოსი

6. ცდა მტკივნეულია… დავიწყებაც… მაგრამ ცოდნა იმისა, თუ რომელი გადაწყვეტილება მიიღო ტანჯვას ნამდვილად სჯობს”
– კოელიო

7. “დაეცე შვიდჯერ და ფეხზე წამოდგე რვაჯერ. აი, რა არის ცხოვრების საიდუმლო”
– კოელიო

8. “როდესაც გვიყვარს, ვცდილობთ უკეთესები გავხდეთ. და როდესაც ვცდილობთ იმაზე უკეთესები გავხდეთ ვიდრე ვართ, სამყაროც უკეთესობისაკენ იცვლება”
– კოელიო, ალქიმიკოსი

9. “ყველაფერი მეუბნება,რომ შესაძლოა შეცდომა დავუშვა, მაგრამ შეცდომების დაშვება ჩემი ცხოვრების ნაწილია. რა სურს სამყაროს ჩემგან? სურს,რომ არ გავრისკო? დავბრუნდე იქ საიდანაც მოვედი,რადგან არ მეყო ძალა ცხოვრებისათვის “დიახ” მეთქვა?”
– კოელიო, 11 წუთი

10. “როდესაც ვინმე მიდის, ეს იმიტომ,რომ სხვა მოვიდეს”
– კოელიო,ზაჰირი

11. “სიყვარული დაუმორჩილებელი ძალაა. როდესაც მის კონტროლს ვცდილობთ, გვანადგურებს. როდესაც ვცდილობთ დავატყვევოთ, გვიმონებს.როდესაც ვცდილობთ გავიაზროთ, გვტოვებს გზააბნეულს და იმედგაცრუებულს”
– კოელიო

12. “ჩვენ არ შეგვიძლია განვსაჯოთ სხვისი ცხოვრება, რადგან თითოეულ ჩვენთაგანს მხოლოდ საკუთარი ტკივილისა და ტრაგედიის გვესმის.ერთია გრძნობდე,რომ სწორ გზაზე დგახარ, მაგრამ სულ სხვაა,როდესაც ფიქრობ,რომ სხვა ალტერნატივა არ გაქვს”
– კოელიო

13. “ბავშვებს შეუძლიათ 3 მნიშვნელოვანი რამ გვასწავლონ: ვიყოთ ბედნიერები მიზეზის გარეშე, ვიყოთ ყოველთვის დაკავებული და ვიცოდეთ როგორ მოვითხოვოთ და მივიღოთ ყველაფერი,რაც გვსურს”
– კოელიო

14. “ეს გაიძულებს,რომ შურისმაძიებელი გახდე და ადამიანებს იმაზე მეტი ტკივილი მიაყენო,ვიდრე შენ იწვნიე.თუმცა, მხოლოდ დროს დაკარგავ.
– ეს ადამიანური საქციელია.
– რეალურად კი.თუმცა ასეთი საქციელი არც ისე ჭკვიანურია და არც მიზანშეწონილი. დააფასე შენი დრო ამ პატარა დედამიწაზე.გაიხსენე, ღმერთი ხომ ყოველთვის გპატიობდა ხოლმე, ჰოდა, შენც აპატიე.”
– კოელიო,ზაჰირი

15. “თუ ნამდვილად შენი ოცნების ნაწილი ვარ, ერთ დღესაც უკან დაბრუნდები”
– კოელიო,ზაჰირი

16. “ჩვენ ვერასოდეს ვხდებით თუ რა განძი გვიჭირავს ხელში, იმიტომ,რომ ადამიანებს საერთოდ არ სჯერათ სასწაულის”
– კოელიო,ალქიმიკოსი

17. “როდესაც თქვენს გზას იპოვნით, ნუ შეგეშინდებათ.უნდა გაგაჩნდეთ საკმარისი ძალა და მხნეობა,რომ შეცდომების დაშვების არ გეშინოდეთ.იმედგაცრუება, დამარცხება და სასოწარკვეთილება საშუალებებია,რომლითაც ღმერთი სწორ გზას გვიჩვენებს”
– კოელიო, ბრიდა

18. “იმ წამიდან,როდესაც სიყვარულის ძებნას ვიწყებთ, სიყვარულიც იწყებს ჩვენს ძიებას”
– კოელიო, რიო პედრას ნაპირზე ჩამოვჯექი და ავტირდი.

19.”სწორედ ამიტომ არის მნიშვნელოვანი,რომ გარკვეული ეპიზოდები განდევნო, გაუშვა,გათავისუფლდე! ხალხმა უნდა შეიგნოს,რომ გახსნილი კარტებით არასოდეს თამაშობენ. ცხოვრება ასეთია: ან იგებ, ან აგებ. წაგებულს კი უკან აღარ აბრუნებენ; შენ ძალას აღარ აღიარებენ, შენს თვისებებს არავინ აღმოაჩენს და არც სიყვარულს დაგიფასებენ არასოდეს – სიამაყის,უუნარობისა და ამპარტავნების გამო კი არა, მარტივი მიზეზისდა გამო: ცხოვრებაში მათი ადგილი არ არის, თუ თავად არ მოძებნე… დრო კი გადის… და სანამ კიდევ შეგიძლია მიხურე კარი… ან შეეგუე იმას,ვინც ხარ. ან გადაიქეცი იმად, ვინც გინდა იყო…”
– კოელიო,ზაჰირი

20. “სამყაროში არაფერია აბსოლიტურად მცდარი. გაჩერებული საათიც კი, შემდეგი დღის იმავე წამს,რომელზედაც გაჩერდა სწორ დროს აჩვენებს”
– კოელიო, ბრიდა.

21. “და ახლა,როცა აღარაფერი ჰქონდა დასაკარგი, ის თავისუფალი იყო”
– კოელიო, 11 წუთი

22. “არის წამები,როდესაც პრობლემები იჭრება ჩვენს ცხოვრებაში და არ შეგვიძლია თავიდან ავიცილოთ ისინი. თუმცა მათაც გარკვეული დანიშნულება და მისია აკისრიათ ჩვენს ცხოვრებაში.და მხოლოდ მაშინ,როდესაც გადავლახავთ მათ, ვხდებით,თუ რატომ მოვიდნენ ისინი”
– კოელიო, მეხუთე მთა

23. “ყველას გვეშინია მიუღწეველი ოცნებისკენ სწრაფვის, რადგან გვგონია, რომ მისი ღირსნი არ ვართ, ანდა ვერ შევძლებთ მის განხორციელებას. თავზარს გვცემს იმის წარმოდგენა, რომ შეიძლებოდა, ბედნიერები ვყოფილიყავით, მაგრამ ვერ მოვახერხეთ და იმ განძის გახსენება გვტანჯავს, ჩვენ რომ შეიძლებოდა, გვეპოვნა, მაგრამ სამუდამოდ ქვიშაში დარჩა, რადგან გვეშინოდა ტანჯვის…”
– კოელიო,ზაჰირი

ბელგია

ქვეყანა დასავლეთ ევროპაში, ევროკავშირის წევრი. მოსაზღვრე ქვეყნებია: ნიდერლანდი, გერმანია, ლუქსემბურგი, საფრანგეთი
ფართობი – 30.510 კვ.კმ.
ბუნება: უმაღ. მწვერვალი – ბოტრანჟი 694 მ; მდინარეები (კმ) – შელდა 207 (ბელგიაში, სულ 370), მეზი 183 (ბელგიაში, სულ 933); უდ. ტბა – ვალკური; კლიმატი – ოკეანური.
ბუნებრივი რესურსები – ქვანახშირი, ბუნებრივი აირი.

სახელმწიფო

პოლიტიკური სისტემა – კონსტიტუციური მონარქიის ქვეშ მყოფი ფედერალური საპარლამენტო დემოკრატია.
სახელმწიფოს მეთაური – სამეფოს მმართველია საქს-კობურგ-გოთას დინასტია. ბელგიის მეფეები: 1831 – ლეოპოლდ I, 1865 – ლეოპოლდ II, 1900 – ალბერტ I, 1934 – ლეოპოლდ III, 1951 – ბოდუენ I, 1993 წლიდან – ალბერტ II
მთავრობის მეთაური – პრემიერ-მინისტრი (Guy Verhofstadt, 1999).
საკანონმდებლო ორგანო – ორპალატიანი პარლამენტი, შედგება წარმომადგენელთა პალატისა (150 წევრი) და სენატისაგან (71 წევრი).
ადმინისტრაციული დაყოფა. 1989 წლიდან ქვეყანა ფედერაციულ სახელმწიფოდ გარდაიქმნა, რომელიც 3 სუბიექტისაგან (ფრ. regions, ნიდ. gewesten) შედგება: ბრიუსელი, ვალონია და ფლანდრია. რეგიონები თავის მხრივ პროვინციებად (ფრ. province, ნიდ. provincie) იყოფიან.

დემოგრაფია

მოსახლეობა – 10,3 მლნ (2003), მათ შორის 58% ფლანდრიელები, 31% ვალონები.
ენები – ფრანგული (40%, ვალონური დიალექტი) და ნიდერლანდული (60%, ფლამანდური დიალექტი). მოსახლეობის 11% ორენოვანია.
რელიგია – კათოლიციზმი (75%), პროტესტანტიზმი 20%.
ქალაქები (ათ.) – ბრიუსელი (1,008), ანტვერპენი (457), გენტი (222), შარლერუა (201), ლიეჟი (184), ბრიუგე (117).
ეკონომიკა

ბელგია მაღალგანვითარებული ინდუსტრიული ქვეყანაა, ე.ე.პ. მოცულობით (272 მლრდ $) მსოფლიოში მე-20 ადგილი უკავია.
ე.ე.პ. სტრუქტურა (%) – სოფლის მეურნეობა – 1, მრეწველობა – 26, მომსახურება – 73;
ე.ე.პ. (1 სულზე) – 26.730 $.
უდიდესი კომპანიები – სოსიეტე ჟენერალი, ბრიუსელ-ლამბერი, კობერა, ელექტრორაი, ბელგაკომი, ფორტისი, ინტერბრიუ.
ექსპორტი – რკინა, ფოლადი, საფეიქრო ნაწარმი, ნავთობქიმიკატები, პლასტმასა.
ბიუჯეტი – 113,400 მლნ $.
ვალუტა – ევრო (EUR); 2002 წლამდე ბელგიური ფრანკი.
სატელეფონო კოდი +32

ისტორია

ბელგიის სამეფო დამოუკიდებელი გახდა 1830 წელს. მსოფლიო ომების დროს იყო გერმანიის აგრესიის ობიექტი. 1945 წლიდან ევროპული თანამშრომლობის (ბენილუქსი, ევროპის საბჭო, ნატო, ევროპის კავშირი) ცენტრია. 1980 წელს – შეიქმნა მმართველობის რეგიონული სტრუქტურები ფლანდრიის, ვალონიისა და ბრიუსელისათვის. 1992 წელს გამოცხადდა, რომ შემოღებული იქნებოდა ფედერაციული სისტემა. 1994 წელს მიღებულ იქნა ახალი კონსტიტუცია.

მემკვიდრეობა

ბრიუსელი — ცენტრალური მოედნის გოტიკური არქიტექტურა, სამეფო სასახლე (XV ს.), ქალაქგარეთ მდებარეობს ვატერლოოს ბრძოლის მემორიალი;
ანტვერპენი – ბელგიის სამეფო მუზეუმი მსოფლიოში საუკეთესო რუბენსის ნახატების კოლექციით; ძველი ქალაქის ანსამბლი, «ალმასის კვარტალი», ტაძარი (XIV ს.);
ბრიუგე – შუასაუკუნეების არქიტექტურის ქალაქი-მუზეუმი;
ლიეჟი – წმ. პავლეს ეკლესია (X ს.).
ცნობილი ბელგიელები [რედაქტირება]
მწერლები – მორის მეტერლინკი, შარლ დე კოსტერი, ჟორჟ სიმენონი, ემილ ვერჰარნი;
მხატვრები – პიტერ ბრეიგელი, რუბენსი, ანტონ ვან დეიკი, იან ვან ეიკი, ჟერარ დავიდი;
მეცნიერი – მერკატორი;
მსახიობები – ოდრი ჰეპბერნი, ჟან-კლოდ ვან დამი;
სპორტსმენები – ედი მერქსი (ველოსპორტი), ჯეკი იქსი (ავტორბოლა).

ერნესტო რაფაელ გევარა

ერნესტო რაფაელ გევარა დე ლა სერნა (დ. 14 ივნისი, 1928 — გ. 9 ოქტომბერი, 1967) — საყოველთაოდ ცნობილი, როგორც „ჩე გევარა“, ან „ელ ჩე“ იყო არგენტინელი ექიმი, მარქსისტი რევოლუციონერი, პოლიტიკოსი, კუბის პარტიზანული ლიდერი. მისი სტილიზებული სახე გახდა წინააღმდეგობის საყოველთაოდ გავრცელებული კონტრკულტურული სიმბოლო და სახალხო კულტურის გლობალური ნიშანი.

როგორც სამედიცინო ფაკულტეტის ახალგაზრდა სტუდენტი, გევარა მთელს ლათინურ ამერიკაში მოგზაურობდა და იგი სწრაფად გარდაქმნა იმ სიღარიბემ და გაუცხოვებამ, რასაც ის ამ მოგზაურობისას აწყდებოდა. მოგზაურობებისას მიღებულმა გამოცდილებამ და დაკვირვებებმა მას გამოატანინა დასკვნა, რომ რეგიონში ფესვგადგმული ეკონომიკური უთანასწორობა კაპიტალიზმის, მონოპოლიზმის, ნეოკოლონიალიზმისა და იმპერიალიზმის ნიშანდლობლივი შედეგი იყო, რისი ერთადერთი წამალიც მსოფლიო რევოლუცია იყო. მისმა ღრმა რწმენამ ბიძგი მისცა მის ჩართულობას გვატემალის რეფორმებში პრეზიდენტ ხაკობო არბენსის მეთაურობით, რომლის დამხობის შემდეგაც, რაც სავარაუდოდ აშშ-ის ცენტრალურ სადაზვერვო სააგენტოს მიეწერება, ჩე გევარას პოლიტიკური იდეოლოგია უფრო გამტკიცდა. მოგვიანებით, როდესაც მეხიკოში ცხოვრობდა, ის რაულ და ფიდელ კასტროებს შეხვდა, შეუერთდა 26 ივლისის მოძრაობას და მათთან ერთად კუბისაკენ გასცურა იახტა გრანმათი. მათი მიზანი დიქტატორ ფულხენსიო ბატისტას რეჟიმის დამხობა იყო, რომელსაც ზურგს აშშ უმაგრებდა. გევარა სულ მალე დაწინაურდა ამბოხებულებს შორის, იგი მეორე იყო სარდლობაში და გადამწყვეტი როლი ითამაშა ორწლიან პარტიზანულ ომში, რომელმაც საბოლოოდ ბატისტას რეჟიმი დაამხო.

სახელი დაბადებისას——–ერნესტო გევარა

მოღვაწეობა—————ექიმი, მარქსისტი რევოლუციონერი,
პოლიტიკოსი

ბიოგრაფიული ცნობები:

დაბადების თარიღი ——-1928 წლის 14 ივლისი

დაბადების ადგილი——–როსარიო, სანტა-ფე, არგენტინა

გარდაცვალების თარიღი—- 1967 წლის 9 ოქტომბერი (39 წლის)

გარდაცვალების ადგილი—- ლა-იგერა, ვალიეგრანდე, ბოლივია

დაკრძალვის ადგილი—— ჩე გევარას მავზოლეუმი, სანტა-კლარა, კუბა

განათლება————— მედიცინის დოქტორი

მოქალაქეობა————- რგენტინა, კუბა

ეროვნება ————– არგენტინელი

მამა——————– ერნესტო გევარა ლინჩი

დედა——————სელია დე ლა სერნა ი ლიოსა

შვილები ————– ილდა (1956–1995), ალეიდა (დ. 1960)
კამილო (დ. 1962), სელია (დ. 1963)
ესნესტო (დ. 1965

ანდორა

ოფიციალური ვერსიით, სახელი მიღებულია ორი იბერიული სიტყვის შერწყმით: ando – „ზემო“ და ore – „რკინა“. მართლაც, ქვეყანა მდიდარია რკინის მადნით. მეორე ვერსია მას კელტური სიტყვებით ხსნის: an – „ქროლა“ და dor – „კარი“. ეს განმარტებაც სინამდვილეს შეეფერება.

გეოგრაფია

ქვეყანა მდებარეობს პირენეის მთებში, საფრანგეთსა და ესპანეთს შორის. ფართობი – 450 კვ.კმ.

სახელმწიფო

სახელმწიფო სისტემა – განვითარებადი დემოკრატია – საპარლამენტო სამთავრო, ესპანეთისა და საფრანგეთის პროტექტორატის ქვეშ. სახელმწიფოს მეთაური – ჟოან ენრიკ ვივეს სისილია (Joan Enric Vives SICILIA, ურხელის ეპისკოპოსი) და ფრანსუა ოლანდი (Nicolas Sarkozy, საფრანგეთის პრეზიდენტი). საკანონმდებლო ორგანო – ერთპალატიანი გენერალური საბჭო (Consell General de las Valls, 28 წევრი). ადმინისტრაციული დაყოფა – 7 რაიონი (parroquia).
დემოგრაფია [რედაქტირება]

მოსახლეობა – 71.8 ათასი (2003), მათ შორის ესპანელები – 43%, ანდორელები – 33%, ფრანგები – 7%. სახელმწიფო ენა – კატალანური. გავრცელებული ენები – ესპანური და ფრანგული. რელიგია – კათოლიციზმი. დედაქალაქი – ანდორა ლა ველა (16 ათასი).

ეკონომიკა

თამბაქოს ექსპორტი და ტურისტული ინდუსტრია. რესურსები – ჰიდროენერგია, მინერალური წყალი, საშენი ხე-ტყე, რკინის მადანი, ტყვია. ვალუტა – ევრო (EUR).

ისტორია

დამოუკიდებელი სამთავროა 1278 წლიდან. 1976 წელს – შეიქმნა პირველი პოლიტიკური პარტია, პირველი პრემიერ-მინისტრი დაინიშნა 1981 წელს. 1993 წელს რეფერენდუმით მიღებულ იქნა ქვეყნის პირველი კონსტიტუცია.
მემკვიდრეობა [რედაქტირება]

II ს-ის ორი მოქმედი რომაული თაღოვანი ხიდი, არაბული ციხის ნანგრევები (VIII ს.), გრაფ დე ფუას ციხე-კოშკი (XII ს.), მთავრობის რეზიდენცია – «ველების სახლი».
ცნობილი ანდორელები [რედაქტირება]

ბორის დე სკოსირევი (რუსი ემიგრანტი, 1934 წელს თავი გამოაცხადა ანდორის მეფედ), რენე ბალარი (საპატიო მოქალაქე, ანდორაში აღადგინა წესრიგი 1933 წელს), ფილიპ ვოლფი (მელიევალისტი, საფრანგეთის აკადემიის წევრი).

სატელეფონო კოდი +376
ვალუტა ევრო (EUR)

ბილიკ-ბანაკი ურეკში:)

აქტიური, ენერგიული და დამღლელი სასწავლო წლის შემდეგ, სამოქალაქო კლუბების ლიდერები ,,ბილიკმა” ბანაკში, დაბა ურეკში წაგვიყვანა…სადაც კარგად დავისვენეთ , იქ ჩატარებულმა ტრენინგებმა კარგად დაგვანახა ჩვენი წინა წლის შეცდომები და ცოდნა უფრო მეტად გაგვიღრმავდა…ამ ბანაკში დავსახეთ მომავალი წლის გეგმებიც:) ვიცოდი ეს ბანაკი ერთ-ერთი დაუვიწყარი იქნებოდა ჩემს ცხოვრებაში,ამიტომ ყოველი დღის ბოლოს ჩანაწერებს ვაკეთებდი დღიურში…აი ისიც:

29.06.12
უკვე ათი დღეა ველი ამ დღის დადგომას… თუმცა ვერ ვიტყვი, რომ დრო გაიწელა. გამოცდებმა ისე გადამიყოლეს, რომ როგორ გავიდა დრო ვერც კი გავიგე….დადგა სანატრელი 29 რიცხვი, ვერ ვიტყვი, რომ დილიდან მაგრამ შუადღიდან შევუდექი მზადებას. თითქოს სულ სამი დღით მივდივარ ბანაკში, მაგრამ დიდი ალიაქოთი დავატრიალე სახლში. ჯერი ტანსაცმელზე მიდგა, სანამ მე ვკითხავდი დედას რჩევას, მან დამასწრო, ოთახში შემოვიდა და მითხრა: ,,მოდი დაგეხმარები არჩევაში თორემ….” (ტანსაცმელთან დაკავშირებით დედას ყოველთვის ვეკითხები რჩევას, თუმცა მაინც იმას ვარჩევ რაც მე მომწონს.ამიტომ უკვე ბრაზდება ასო ,,ტ”-ს გაგონებაზე. საღმოს უკვე ჩალაგებული მქონდა ბარგი. მერე ცოტა ხნით facebook- ზე ,,შევისეირნე”, blog-ზე დავპოსტე და სანამ ჩემი ნებით ავდგებოდი იმდენი ხანი იწუწუნა ჩემმა ძმამ (არადა სულ 30 წუთი ვიჯექი) ,,რამდენი ხანია ზიხარ, დროზე ადექიო, რომ სხვა რა გზა მქონდა, ახლა წავედი დავიძინევ, ხვალ ადრე მომიწევს ადგომა…
P.S ,,ბილიკელებმა” თავი ისე შემაყვარეს რომ ძალიან მიხარია სამი დღე მათ გვერდით რომ უნდა ვიყო. ისეთი შეგრძნება მაქვს თითქოს მთელი სიცოცხლეა ვიცნობ მათ. არადა გუშინდელი დღესავით მახსოვს 2011 წლის მარტში მარიკა და ეკა რომ ჩამოვიდნენ და სამოქალაქო კლუბებზე დაიწყეს ლაპარაკი…მაშინ ჩინურივით იყო ჩემთვის ყველაფერი, თითქოს ყველაფერს ვიგებდი და და თითქოს ვერაფერს…რა პროექტი, რა კლუბი, რა დონორი და რა დაფინანსება მეთქი:D 😀 😀 მოკლედ წავედი…

30.06.12
დილით 7 სთ-ზე ავდექი, გავემზადე და 8 სთ-ზე უკვე მზად ვიყავი. შემდეგი ნახევარი საათი ვიჯექი სა საათს შევყურებდი, ეხლა კი მართლა გაიწელა დრო. სადგურში მისულს მარი და დედამისი დამხვდნენ. 9სთ-ზე მიკროავტობუსი დაიძრა და დავადექით გორის გზას, ახლა უკვე ურეკის გზას ვადგავართ. წინაღგრძნობა მაქვს, რომ კარგ დროს გავატარებთ, ჩემი წინათგრძნობა თითქმის არასოდეს ცდება:)
* * *
ურეკში შესვლა ბავშვების ოვაციებმა მამცნო ,,ზღვა გამოჩნდა ზღვა”. მალე სასტუმრო ,,კოლხიდაშიც” მივედით. მოლოდინმა გაამართლა, ასტუმრო მართლაც ძალიან კომფორტულია. მით უმეტეს, რომ ზღვის სანაპიროზე დგას. ოთახებში გავნაწილდით. მე და მარი 309-ში მოვხვდით. სადილის შემდეგ შევიკრიბეთ. დავგეგმეთ ღის წესრიგი, წესები-მომდევნო სამი დღისთვის:
დღის წესრიგი წესები
8:30-09:30 საუზმე აქ და ამჟამად;
12:00-14:00 ტრენინგი არ ვაგვიანებთ;
13:30-14:30-სადილი მოვუსმინოთ ერთმანეთს;
15:00-17:00 ტრენინგი ვიყოთ კომუნიკაბელურები;
18:30-19:30 ვახშამი ვიყოთ აქტიურები;
პატივი ვცეთ ერთმანეთის აზრს;
ვიცავთ დღის წესრიგს;

ერთმანეთი უკეთ გავიცანით და ზღვას მივაშურეთ:) ბოლოს უკვე ყველა საათს კითხულობდა, ყველას ზღვისკენ უწევდა გული:)
გულახდილად, რომ ვთქვა, ბაზალეთის მერე არც მეგონა თუ საერთოდ გაგვიშვებდნენ ზღვაზე, ამიტომ სატრენინგო განწყობით ჩამოვედი. მიხარია, რომ ამჯერად მოლოდინმა არ გაამართლა:) ზღვა საშინლად ბინძური იყო, ამიტომ ზღვაში ყოფნას ფრენბურთის თამაში ვამჯობინეთ. მაშინ მივხვდი რა ტყუილად მიწერდა თენგო მასწი ფიზკულტურაში ჩათვლებს:)…არაუშავს სამ დღეში დავამუღამებ:)წავალ ახლა მოვწესრიგდები და დავიძინებ…
P.S ლია,რომ გვთხოვე მალე ადით ოთახებშიო, ხომ შეგპირდით 11ზე შევალთ-მეთქი…25 აკლდა რომ ავედით…რა კარგი ბავშვები ვართ:D 😀 😀

01.06.12
დილის 4:30 წუთზე ჭექა-ქუხილმა. ხოლო 7:30 წუთზე თეკლას კარზე ბრახუნმა გამაღვიძა.მე და მარის შეგვპირდა თქვენი მაღვიძარას როლს შევასრულებო, დარწმუნებული ვარ გამოუვა:) დღეს დილიდან აქტუალური თემა იყო ჭექა-ქუხილი, ზოგი შეშინდა, ზოგი უბრალოდ შეწუხდა და ზოგმა ვერც გაიგო:) მის აქტუალურობას ისიც ერთვოდა, რომ მხოლოდ მის გამო ვერ შევძელით პლიაჟზე გასვლა:( სამაგიეროდ ორი ძალიან კარგი ტრენინგი ჩატარდა:) SWOT ანალიზი. პირველ რიგში გავიგე თუ რას ნიშნავს SWOT ანალიზი, შემდეგ კი შესაძლებლობებსა და საფრთხეებზე მსჯელობამ დამაფიქრა, თუ რამდენი შესაძლებლობა ანუ დადებითი აქვს ჩვენი სამოქალაქო კლუბების მუშაობას და რამდენამ მცირე საფრთხე არსებობს. ჩემს გუნდში კი ეს საფრთხე მხოლოდ დროოს უკმარისობა აღმოჩნდა, რომელსაც დროის გადანაწილების გეგმის წყალობით, სულ ადვილად გადავჭრით.
ერთ-ერთი მნიშვნელოვანი ამ დღეს იყო ციცინათელაში წასვლა. საშინელებათა ოთახში შესვლისას მეგონა ცოტა მაინც შემეშინდებოდა, თუმცა ჩემი რეაქცია ყველაფერზე იყო ნული…:დ(ალბათ დიდი ხანია აღარ მეშინია სიბნელის, ჩონჩხების, სულების და ა.შ) სამაგიეროდ სალო ჩადუნელი სიცილისგან ჩაბჟირებული გამოვიდა:) ალბათ საშინელებათა ოთახის ნაცვლად სიცილის ოთახი წაიკითხა და როგორი განწყობითაც შევიდა, ისეთივე განწყობით გამოვიდა:)
მოკლედ, ასეთ ბედნიერ ტალღაზე დავბრუნდით სახლში, სახლში რა სანატორიუმში:)(ისე მივეჩვიე აქაურობას:D 😀 😀 :D)
ეხლა წავედი, მეძინება. თეკლა იყო შემოსული და იმდენხანს ვილაპარაკეთ და ისე დავიღალე, რომ სიტყვებს ,,დავდევ” უკვე თავში, რომ რამე დავწერო:) წავედი….

02.06.12
ძილი დამაკლდა და სულ ფათაფუთით ჩავედი საუზმეზე. საუზმის შემდეგ ზღვაზე გავედით, სანატრელი თბილი ამინდი დაგვიდგა:) ძალიან დიდხანს ვიყავით წყალში:) …ისე გამიტაცაეს ტალღებმა, სანამ ლიამ არ მითხრა ,,გამოდი, ძალიან შორს ხარ”-ო, ვერც კი მივხვდი რამხელა მ,ანძილზე გავსულვარ:) ზღვიდან ამოსულმა კვლავ ფათაფუთით გადავივლე წყალი და შევედი ტრენინგზე,. ამჯერად ახალ ჯგუფებში განაწილება მოგვიხდა. მთელი წლის განმავლობაში კლუბის აქტივობების ხელშემშლელ ფაქტორებზე მოვამზადეთ პრეზენტაცია. მარიკასგან სასარგებლო რჩევებიც მივიღეთ. (სადილს გამოვტოვებ:)) რაც შეწეხება მეორე ტრნინჰს, დავგეგმეთ მომავალი წლის აქტივობები…საღამოს ისევ ჩვეს შეხვედრის ოთახში შევიკრიბეთ და ნომინაციების კონკურსი ჩავატარეთ. THE მხიარულმა მედეამ რა თქმა უნდა ამ ნომინაციაში და კიდევ ორში გაიმარჯვა:), მე სანდო და ჭკვიანის ნომინაცია მერგო, სალოს საქმიანის, თაკო და აჩიმ ლამაზისა და სიმპატიურის ნომინაციები გაინაწილეს. რუსომ მუსიკალურის და ჩვენი აქტივობა ცეკვა-სიმღერით დავასრულეთ. სალომ და რუსომ იმღერეს(არ მეგონა თუ სალო ასე კარგად მღეროდა, THE ნიჭიერი გოგოა) მე კი მათ სიმღერაზე ვიცეკვე რაჭული და აჭარული. (კიდევ კარგი მათ ,,დაკრულზე” არ ვიცეკვე, თორემ ნამღერზე არაუშავს:) 😀 :Dბოლოს ჰოლში გადავინაცვლეთ, ჯოკერის თამაშის ინიციატივა არ მომეწონა და ნომერში დავბრუნდი…ეხლა უკვე ძალიან მეძინება, მარის ისე ტკბილად სძინავს, მეც ძილი მინდება. გული მწყდება, რომ დღეს ბოლო დღეს ვატარევბ სანატორიუმში:( თუმცა სახლიც მომენატრა:) დედიკოს მოსიყვარულე თცალები, მამიკოს -,,მამიკო” ჩემი ძმის-,,დროზე ადე, დამსვი” (კომპიუტერს ვგულისხმობ:)) პაპას: ,,როდის მიდიხარ, რომელზე მოხვალ, სად მიდიხარ, ვისთან ერთად და ა.შ
მოკლედ თანახმა ვარ დავბრუნდე სახლში, თუმცა ყველა მომენატრება:)

03.06.12
დადგა ის წუთები, რომელიც ყველაზე მეტად არ მინდოდა. ბარგის ჩალაგება დავიწყე, უკანასკნელს წუთებს ვატარებდი ჩემს ნომერში. ბოლოს კიდევ ერთხელ გადავავლე თვალი ოთახს და სააბაზანოს, რამე ხომ არ მრჩება მეთქი. ავიღე ბარგი და კარებთან მისულმა მივხვდი გული როგორ მწყდებოდა. უსიტყვოდ გამოვემშვიდომე ჩემს ოთახს (მარის უკვე ჩალაგებული ჰქონდა ბარგი და დაბლა იყო) გასაღები ადმინისტრაციას ჩავაბარე და გავედი ეზოში, ბარგი მოვათავსე მიკროავტობუსში. გამოვემშვიდობეთ ,,ბილიკელებს: და დავიძარით. ყველაზე მეტად რასაც არ ველოდი, ეს მედეა ცრემლები იყო. ჩანს, ყველაზე მეტად მას დასწყდა გული ან უბრალოდ ადვილად გამოხატა თავისი განცდები. ამას მოჰყვა მისი იმპროვიზირებული ლექსი, (ეს არ გამკვირვებია:))
აი, სიყვარული ესაა,
მარტო რომ რჩები უცბად,
დღეს მოხარშული გგონია,
გუშინ რაც ჭამე უმად.
სულ რაღაც სამი დღე ერთად,
არასდროს დამავიწყდება
და თქვენთან ყოფნა ბავშვებო,
ყოველთვის მემახსოვრება.
ამ ლექსს ვწერ ახლა მარტო ვარ,
სტრიქონი მოდის სულიდან,
ლია, მარიკა მიყვარხართ,
ვიძახი ჩემი გულიდან.
სამი დღე იყო სულ რაღაც,
მაგრამ მგონია ათასი,
ათასი განა დღე იყო,
წამები იყო ათასი.
მახსოვს მე აქ შევიძინე
პატარა მეგობარი,
ელენიკოა სახელი,
ის მუდამ ჩემთან არი.
ფურცელი ნელა ივსება,
თან კი სველდება ცრემლით,
თქვენი მედეა, თქვენ გიძღვნით,
მხატვრული, გრძელი ხელით.
-მიყვარხართ ბილიკელებო,
როგორც ერთხელ თქვა მარიმ,
-ბილიკო მე შენ მიყვარხარ,
რადგან გამიღე კარი.
მჯერა მე კვლავ დავბრუნდები,
კვლავ მე ვიქნები თქვენთან,
გეპატიჟებით სულ ყველას,
როგორც მეგობრებს ჩემთან.

პირველად თეკლამ ,,დაგვტოვა”, დასავლეთშივე დარჩა ბიძაშვილთან . ყველაზე ძნელი ჩემთვის ეს მომენტი იყო, ბავშვები სახლებთან ჩადიოდნენ და ჩემთვის გაურკვეველი გრძნობ მიჰქონდათ, თან ეს ფრაზა გამივლიდა ხოლმე თავში: ,,კიდევ როდის ვნახავ?” თვს ამით ვიმშვიდებდი-,, არაუშავს facebook-ზე მივწერ”ბოლოს მე და მარიღა დავრჩით. მალე კასპშიც ჩამოვედით, თამუნას გამოვემშვიდობე, მადლობა გადავუხადეთ და წავედით სახლებში:) უკვე ძალიან მენატრებით ბავშვებოოოოო:(

P.S თუ რამე მნიშვნელოვანი გამომრჩა ან თქვენ გინდათ რამის თქმა კომენტარებში დაწერეთ ბავშვებოოო…მიყვარხართ:) ხო, მართლა წამოსვლის წინ თეოს გოგომ-ნათიამ სამახსოვრო წერილი მაჩუქა, ისეთი გულრწფელი სიტყვები ეწერა გული ამიჩუყდა…:)

აზერბაიჯანი

აზერბაიჯანი, ოფიციალურად აზერბაიჯანის რესპუბლიკა (აზერ. Azərbaycan Respublikası) — სახელმწიფო სამხრეთ კავკასიის აღმოსავლეთ ნაწილში, კასპიის ზღვის სამხრეთ-დასავლეთ სანაპიროზე. ესაზღვრება რუსეთი ჩრდილოეთით, საქართველო ჩრდილო-აღმოსავლეთით, სომხეთი დასავლეთით, ირანი – სამხრეთით.

აზერბაიჯანის შემადგენლობაში შედის ანკლავი ნახიჩევანის ავტონომიური რესპუბლიკაც, რომელსაც ჩრდილოეთიდან და აღმოსავლეთიდან ესაზღვრება სომხეთი, სამხრეთიდან და დასავლეთიდან ირანი, ჩრდილო-აღმოსავლეთიდან თურქეთი. ოფიციალურად, ქვეყნის შემადგელობაში შედის მთიანი ყარაბაღის რეგიონიც, თუმცა 1990-იანი წლების ყარაბაღის ომის შემდეგ მასზე აზერბაიჯანის სახელმწიფო კონტროლი არ ვრცელდება, ხოლო რეგიონს დამოუკიდებლობა აქვს გამოცხადებული.

აზერბაიჯანი უნიტარული სახელმწიფოა. მას აქვს დიპლომატიური ურთიერთობა მსოფლიოს 158 ქვეყანასთან, გაწევრებულია 38 საერთაშორისო ორგანიზაციაში.[3] ის არის სუამი-ს ერთ-ერთი დამფუძნებელი და წევრი. 1993 წლის სექტემბრიდან არის დამოუკიდებელ სახელმწიფოთა თანამეგობრობის („დსთ“) წევრი.
სახელმწიფო სისტემა: განვითარებადი დემოკრატიული რესპუბლიკა.
სახელმწიფოს მეთაური: პრეზიდენტი ილჰამ ალიევი (Ilham ALIEV, 2003).
საკანონმდებლო ორგანო: ერთპალატიანი მილი მეჯლისი (125 წევრი).
ეროვნული დღესასწაული: 28 მაისი — რესპუბლიკის დღე.
აზერბაიჯანი მდიდარია წიაღისეულით, განსაკუთრებით ნავთობითა და ბუნებრივი აირით. გვხვდება ალუნიტის, რკინის მადნის, გოგირდის ალმადანის, მოლიბდენის, ბარიტის, კობალტისა და სხვა საბადოები. მოიპოვება ქვამარილი, დარიშხანი, ბევრია (1000-ზე მეტი) მინერალური წყარო (მათ შორის ნარზანის ტიპის ბადამლი და თურშსუ, ესენტუკის ტიპის ისთისუ, მაცესტის ტიპის სურახანი), აგრეთვე სამკურნალო ტალახი და სამკურნალო ნავთობი — ნაფთალანი.

უახლესი ისტორია
მთიანი ყარაბაღის გამო მეზობელ სომხეთთან კონფლიქტმა გამოიწვია არეულობა ქვეყანაში 1988-89 წლებში. 1990 წელს საბჭოთა ჯარები შევიდნენ ბაქოში წესრიგის დასამყარებლად და გამოაცხადეს საგანგებო მდგომარეობა. 1991 წელს აზერბაიჯანის ლიდერებმა მხარი დაუჭირეს მოსკოვურ პუტჩს. აზერბაიჯანმა გამოაცხადდა თავისი დამოუკიდებლობა და 1991 წელს შევიდა დსთ-ში. 1992 წელს გახდა გაეროს წევრი. განახლდა ომი მთიან ყარაბაღში. ნაციონალისტმა პრეზიდენტმა ა. ელჩიბეიმ ადგილი დაუთმო ყოფილ კომუნისტურ ლიდერს ჰ. ალიევს. 1994 წელს ეუთოს წევრი ქვეყნების მონაწილეობით მიღწეული იქნა დროებითი ზავი, თუმცა კონფლიქტი დღემდე მოუგვარებელია — ტერიტორიის მეშვიდედი ოკუპირებულია და ქვეყნას 800 ათასი ლტოლვილი ჰყავს. ბოლო წლებში იყო რამდენიმე უშედეგო მცდელობა სამხედრო გადატრიალებისა. 2001 წელს აზერბაიჯანი ევროპის საბჭოს წევრი გახდა. ქვეყნის ევრო ინტეგრაციას ქვეყანაში მცხოვრები უმცირესობების უფლებების დარღვევა აფერხებს. სერიოზული პრობლემები არსებობს აზერბაიჯანის ჩრდილო-დასავლეთ ნაწილში მცხოვრები ეთნიკური ქართველების უფლებების დაცვის კუთხით. ოფიციალური ბაქო ქართველთა ასიმილაციის პროცესს უწყობს ხელს, რასაც მათი უფლებების უხეში დარღვევის მეშვეობით ახერხებს.
აზერბაიჯანის ადმინისტრაციულ-ტერიტორიული ერთეულებია: 59 რაიონი, 1 საქალაქო ტერიტორია და 1 ავტონომიური რესპუბლიკა (muxtar respublika). რაიონები გაერთიანებული არიან 12 ოლქში.

…მოსახლეობა: 9,165 მლნ (2011)[1], მათ შორის 92 % აზერბაიჯანელი, 3,2 % დაღესტნელი, 2,5 % რუსი, 2 % სომეხი.
…სახელმწიფო ენა: — აზერბაიჯანული, სხვა ენები — რუსული, სომხური.
…რელიგია: ისლამი (შიიტური მიმართულების).
…დედაქალაქი: ბაქო (1,235 ათ).
წრარო-ქართული ვიკიპედია
დიდი ქალაქები: განჯა (303 ათასი), სუმგაითი (280), მინგეჩევირი (100), ალი ბაირამლი (72), ნახჭევანი (69)

იცით თუ არა რომ…

… ინდონეზიაში 300-მდე ეთნიკური ჯგუფი სახლობს, რომლებიც 365 სხვადასხვა ენაზე საუბრობენ?

… მზე დედამიწაზე 330 000-ჯერ უფრო მკვრივია და მზის სისტემის მთლიანი მასის 99,8%-ს შეადგენს?

… მსოფლიოში უდიდესი ყვავილია Rafflesia arnoldii რომელიც 7 კგ-ს იწონის და მხოლოდ კუნძულ სუმატრასა და კალიმანტანზე იზრდება (ინდონეზია)?

… საფრანგეთის მეფე შარლ VI-ს სჯეროდა, რომ იგი მინისგან იყო შექმნილი და დამსხვრევის შიშით ეტლით არასოდეს მგზავრობდა?

… მსოფლიოში ქრისტიანობის დაახლობით 34 000 სექტაა გავრცელებული?

… პირველი სრულმეტრაჟიანი ანიმაციური ფილმი 1937 წელს დისნეის სტუდიის მიერ შექმნილი „ფიფქია და შვიდი ჯუჯა“ იყო?

… ჩიხუახუა მსოფლიოში ყველაზე პატარა ძაღლია?… გადაშენებამდე, დინოზავრები 135 მილიონი წლის მანძილზე ბინადრობდნენ დედამიწაზე?

… ერთადერთი, რასაც ალმასის დამსხვრევა შეუძლია მაღალი ტემპერატურაა?

… ისლანდია პირველი ქვეყანა იყო, რომელმაც 1935 წელს აბორტის ლეგალიზება მოახდინა?

… „დოქტორ ნოუ“ პირველი ფილმია ჯეიმზ ბონდის შესახებ?

… მსოფლიოს ქვეყნებს შორის ყველაზე მეტი ტბა კანადაშია?

… 1893 წელს ახალი ზელანდია პირველი ქვეყანა გახდა, სადაც ქალებს ხმის უფლება მიეცათ?

… იამაიკაში 120-მდე მდინარეა?

… თაფლი ერთადერთი საკვები პროდუქტია, რომელიც არ ფუჭდება?

… მხოლოდ დედალი მწერები იკბინებიან?

… ვენერა ერთადერთი პლანეტაა მზის სისტემაში, რომელიც საათის ისრის მიმართულებით ბრუნავს?

… ადამიანის სხეულში ჟანგბადის 20-25 პროცენტს ტვინი მოიხმარს?

… ანტარქტიდა მსოფლიოში ყველაზე დიდი უდაბნოა?

… სიმაღლეს ზღვის დონიდან ბალტიის ზღვიდან აითვლიან?

… ქართული ვიკიპედიის პირველი სტატია იყო „ედუარდ შევარდნაძე“ და ის 2004 წლის 25 თებერვალს ჰონგ-კონგელი მომხმარებლის მიერ შეიქმნა?

… ბოლნისის სიონი დღეს მთელ კავკასიაში არსებულ ეკლესიებს შორის უძველესია?

… დენდერის ძველეგვიპტურ ტაძარში ფრესკებზე გამოსახულია უცნაური ობიექტი, რომელიც წააგავს თანამედროვე ელექტრონათურას; ზოგიერთი პარამეცნიერი მიიჩნევს, რომ ეგვიპტელები ამგვარი ნათურებით ელექტრულ დენს სინათლის წყაროდ იყენებდნენ?

… ბითლზის უკანასკნელი ალბომი Let It Be, რომელიც ჯგუფის დაშლის შემდეგ გამოიცა, უფრო ადრე ჩაიწერა, ვიდრე მათივე ბოლოს წინა ალბომი Abbey Road?

… ავსტრიის დედაქალაქი ვენა სლოვაკეთის დედაქალაქ ბრატისლავიდან დაახლოებით 60 კილომეტრითაა დაშორებული. თუ არ ჩავთვლით ვატიკანსა და რომს, ორი დედაქალაქის ამგვარი სიახლოვე ევროპაში უპრეცედენტოა?

… პირველი მონეტები ლიდიაში ძვ. წ. 650-600 წლებში გამოიცემოდა?

… ბერძენი ფილოსოფოსი სოკრატე ურწმუნოებისა და ათენის ახალგაზრდობის ღმერთთა მოძულე იდეებით გარყვნის ბრალდებით ათენის არეოპაგმა სიკვდილით დასაჯა?

… პოლარულ დათვებს 42 კბილი აქვთ, რომლებსაც საჭმლის მოსაპოვებლად ან აგრესიული თავდასხმისათვის იყენებენ?… გაერთიანებული სამეფოს დედოფალ ელისაბედ II-ს არ აქვს პასპორტი; მოგზაურობისას იგი პირადობას მხოლოდ სიტყვიერად ადასტურებს?

… ალბერტ აინშტაინი სამი წლის ასაკში ალაპარაკდა, ცხრა წლისა კი ჯერ კიდევ ვერ ახერხებდა გამართულად საუბარს?

… იუნესკოს მსოფლიო მემკვიდრეობის ძეგლის სტატუსი დღემდე მხოლოდ ორმა ძეგლმა დაკარგა?

… ბრაზილია-პარაგვაის საზღვარზე მდებარე იტაიპუს კაშხალი სიმძლავრით მეორეა მსოფლიოში ამჟამად მოქმედ
ჰიდროელექტროსადგურებს შორის და იგი სამოქალაქო ინჟინერთა ამერიკის საზოგადოების მიერ ჩამოყალიბებულ შვიდ საოცრებაში შედის?

… ატლანტის ოკეანეში მდებარე სარგასოს ზღვა ერთადერთი „ზღვაა“ პლანეტაზე, რომელსაც სანაპიროები არ გააჩნია?

… პინგვინებს დაახლოებით ორ მეტრ სიმაღლეზე შეძლიათ ახტომა?

… ავსტრალიაში მდებარე ულურუ მსოფლიოში ყველაზე დიდი ქვის მონოლითია და მისი გარშემოწერილობა 9,5 კმ-ს
შეადგენს?… გადაშენებამდე, დინოზავრები 135 მილიონი წლის მანძილზე სახლობდნენ დედამიწაზე?

… ერთადერთი, რასაც ალმასის დამსხვრევა შეუძლია მაღალი ტემპერატურაა?

… ისლანდია პირველი ქვეყანა იყო, რომელმაც 1935 წელს აბორტის ლეგალიზება მოახდინა?

… „დოქტორ ნოუ“ პირველი ფილმია ჯეიმზ ბონდის შესახებ?

… მსოფლიოს ქვეყნებს შორის ყველაზე მეტი ტბა კანადაშია?

… 1893 წელს ახალი ზელანდია პირველი ქვეყანა გახდა, სადაც ქალებს ხმის უფლება მიეცათ?

… იამაიკაში 120-მდე მდინარეა?… საჰარის უდაბნოში მდებარე რიშატის სტრუქტურა დიდი ხნის განმავლობაში ორბიტაზე კოსმონავტთა მთავარ ორიენტირს წარმოადგენდა?

… პრინცი უილიამის მეუღლის, კეიტ მიდლტონის საქორწინო კაბაზე გამოსახული იყო ოთხი ყვავილი, რომელიც გაერთიანებული სამეფოს შემადგენელ ოთხ ქვეყანას განასახიერებდა — ვარდი (ინგლისი), ნარშავი (შოტლანდია), ნარგიზი (უელსი) და სამყურა (ირლანდია)?

… პლანეტა ვენერას ტრანზიტი, რომელიც 2012 წლის 6 ივნისს განხორციელდა უკანასკნელი იყო ამ საუკუნეში და უახლოესი ეს მოვლენა 2117 წელს განმეორდება?

… გულის გადანერგვის პირველი ოპერაცია სამხრეთაფრიკელმა ქირურგმა კრისტიან ბარნარდმა გააკეთა 1967 წლის 3 დეკემბერს კეიპტაუნში?

… დედამიწის უმაღლეს მწვერვალ ევერესტს სახელი პოლკოვნიკ ჯორჯ ევერესტის საპატივცემულოდ ეწოდა, რომელიც 20 წელი ედგა სათავეში ინგლისის ტოპოგრაფიულ სამსახურს ინდოეთში?

… რობერტ უოდლოუ იყო მსოფლიო ისტორიაში ყველაზე მაღალი ადამიანი, მისი სიმაღლე ზუსტად 272 სანტიმეტრს უდრიდა?

… ტყის მარწყვი ჯერ კიდევ ქვის ხანაში წარმოადგენდა ადამიანთა საკვებს, თუმცა მისი კულტივირება მხოლოდ XVIII საუკუნეში მოხდა?

… მსოფლიოში სულ სამი ისეთი სახელმწიფოა, რომლებიც მთლიანად ერთი სხვა სახელმწიფოს შიგნით არიან მოქცეულნი — ვატიკანი, სან-მარინო და ლესოთო?

… 1979 წლის 18 თებერვალსა და 2012 წლის 18 იანვარს საჰარის უდაბნოში, კერძოდ ალჟირის ზოგიერთ რეგიონში თოვლი მოვიდა?

… 1928 წელს საფეხბურთო გუნდ ლონდონის „არსენალის“ მოთამაშეებმა ფეხბურთის ისტორიაში პირველად დაიწერეს მაისურებზე სათამაშო ნომრები?

… პაბლო პიკასოს სრული სახელი იყო პაბლო დიეგო ხოსე ფრანსისკო დე პაულა ხუან ნეპომუსენო მარია დე ლოს რემედიოს სიპრიანო დე ლა სანტისიმა ტრინიდად რუის ი პიკასო?

… მომღერალი ხულიო იგლესიასი ახალგაზრდობაში საფეხბურთო კლუბ მადრიდის „რეალის“ მეკარე იყო?

… სურამი საქართველოში მოსახლეობით ყველაზე დიდი დაბაა?… მოსახლეობის რაოდენობის მხრივ საქართველოს ყველაზე დიდი სოფელია სადახლო?

… გერმანელი ბერი და პროტესტანტი რეფორმატორი მარტინ ლუთერი (სურათზე) ებრაელთა წინააღმდეგ აქტიურ ანტისემიტურ პროპაგანდას ეწეოდა?

… შერლოკ ჰოლმსის ავტორი ართურ კონან დოილი პროფესიით ოფთალმოლოგი იყო?

… სირტაკი ბერძნული ფოლკლორული ცეკვა არ არის, იგი 1964 წელს სპეციალურად შეიქმნა ფილმისათვის „გრეკ ზორბა“?
… ხსნადი ყავა 1901 წელს ჩიკაგოში მომუშავე იაპონელმა მეცნიერმა გამოიგონა?

… 1770 წელს ჯეიმზ კუკმა ჰავაის კუნძულებს სენდვიჩის კუნძულები უწოდა და ეს სახელწოდება 1840 წლამდე გამოიყენებოდა?

… კომპანია „კოკა-კოლამ“ თავის მესამე პროდუქტი „სპრაიტი“ 1961 წელს გამოუშვა?

… „ტიტანიკი“ 1909–1911 წლებში ბელფასტში ააგეს?… ლიბერია და ეთიოპია აფრიკის ის ქვეყნებია, რომლებსაც კოლონიური ჩაგვრა არასოდეს გამოუცდიათ?

… ნგორონგოროს კრატერი ტანზანიაში, მსოფლიოში უდიდესი კალდერა, ანუ ვულკანური წარმოშობის ტაფობია და ის დაახლოებით 2,5 მლნ წლის წინ ჩამოყალიბდა?

… ფოტონი, ანუ სინათლის ნაწილაკი კოსმოსურ სივრცეში წამში 299 792 458 მეტრს გადის და ამ სიჩქარეს ეწოდება სინათლის სიჩქარე?

… კარის ელექტროზარი ამერიკელმა მეცნიერმა ჰენრი ჯოზეფმა 1831 წელს გამოიგონა?

… კანადის ქალაქ ტორონტოში მდებარე იანგ-სტრიტის სიგრძე 1 896 კმ-ია და ის მსოფლიოში ყველაზე გრძელი ქუჩაა?
… პერუში მეტი პირამიდა მდებარეობს, ვიდრე ეგვიპტეში?

… საშობაო ნაძვის ხე სათავეს გერმანიიდან იღებს?…ესპანეთში მდებარე ტაბერნასის უდაბნო ძალიან ჰგავს მთვარის ზედაპირს, რის გამოც ის მრავალ ფილმშია გადაღებული?

… მელქისედეკ I არის საქართველოს მართლმადიდებელი ეკლესიის პირველი მეთაური, რომელიც კათოლიკოს-პატრიარქად იწოდება?

… მაროკოს ქალაქ ფესში მდებარე ალ-კარაუინის უნივერსიტეტი 859 წელს დაარსდა და დღემდე მსოფლიოს უძველეს უნივერსიტეტად მიიჩნევა?

… კენიის მოსახელოება ყველაზე ახალგაზრდაა მსოფლიოში?

… პლანეტა მარსზე მდებარე 26 კილომეტრი სიმაღლის ოლიმპის მწვერვალი მზის სისტემაში უმაღლესია?

… დედამიწის უმაღლეს მწვერვალ ევერესტს სახელი პოლკოვნიკ ჯორჯ ევერესტის საპატივცემულოდ ეწოდა, რომელიც 20 წელი ედგა სათავეში ინგლისის ტოპოგრაფიულ სამსახურს ინდოეთში?

… რობერტ უოდლოუ იყო მსოფლიო ისტორიაში ყველაზე მაღალი ადამიანი, მისი სიმაღლე ზუსტად 272 სანტიმეტრს უდრიდა?

… მოსახლეობის რაოდენობის მხრივ საქართველოს ყველაზე დიდი სოფელია სადახლო?

.. კოსმოსიდან მიწაზე დაშვების შემდეგ, იური გაგარინმა პირველი რაც მოითხოვა, იყო ბორჯომი

… ბოლივიაში, ზოგიერთ გლეხს მარქსისტი რევოლუციონერი ერნესტო ჩე გევარა წმინდანად ჰყავს გამოცხადებული, როგორც „წმინდა ერნესტო“, რომლის წინაშეც დახმარების თხოვნით ლოცულობენ?

ფრანგი ფეხბურთელი ზინედინ ზიდანი და ევროვიზია 2012-ის გამარჯვებული ლორინი შვედეთიდან ბერბერული წარმოშობის არიან?

… ბრაზილია სამხრეთ ამერიკის ყველა ქვეყანას ესაზღვრება ეკვადორისა და ჩილეს გარდა?

… მსოფლიოს ქვეყნების 75%-ზე მეტი ეკვატორის ჩრდილოეთით მდებარეობს?

… მსოფლიოში პირველი ტურისტული სააგენტო „Thomas Cook and Son“ 1850 წელს ინგლისელმა მღვდელმა თომას კუკმა დააარსა?

… 1932—1969 წლებში უოლტ დისნეიმ 22 ოსკარი მიიღო?

… „უკანასკნელი მოჰიკანის“ ავტორი ჯეიმზ ფენიმორ კუპერი ცელქობის გამო თავის დროზე იელის უნივერსიტეტიდან გარიცხეს?

… ტელეფონების პირველი წიგნაკი 1878 წელს მხოლოდ 50 სახელს შეიცავდა?